ضابط يفرض الأدب على عضو بالبرلمان ويجبره على إظهار الرخصة) “ويقول "أقسم بالله لو كان آخر يوم لي فى الداخلية النهارده، هشوف الرخص

وقعت مشادة كلامية بين أحد ضباط المرور، بكمين شرطة على طريق القاهرة- الإسكندرية الزراعى، وأحد أعضاء مجلس الشعب، بعدما طالب الضابط من العضو إظهار رخصة القيادة، فرفض النائب البرلمانى قائلا “أنا عضو مجلس شعب ومعايا حصانة“، فما كان من الضابط إلا أن يصرخ فيه قائلاً “انسى الكلام ده كان زمان هشوف رخصك يعنى هشوف رخصك“.
كان أحد ضباط المرور فى كمين على طريق القاهرة- الإسكندرية الزراعى، فوجئ بإحدى السيارات سوداء اللون، تدخل على كمين المرور، وزجاجها معتم “فاميه”، فاستوقفها أحد أمناء الشرطة، طالبها إظهار رخصة القيادة، لكن صاحبها قام بإنزال جزء من زجاج السيارة، وقال له “أنا عضو مجلس شعب”، فقام أمين الشرطة بإبلاغ ماحدث للضابط، فقام الأخير بالتوجه ناحية السيارة، وطلب من صاحبها إظهار رخصة القيادة، فكان رد سائقها “أنا قلتلكم أنا عضو مجلس شعب”.
انفعل الضابط بسبب الطريقة التى يتحدث بها العضو، وقال له: “أنت عضو مجلس شعب على عينى وعلى راسى.. وحصانتك جوه البرلمان مش فى العربية.. وبعدين مش كل واحد يقوللى أنا عضو مجلس شعب “هضربله تعظيم سلام وأقوله اتفضل، بلاش رخصة القيادة، ممكن أشوف الكارنيه” لكن العضو كان رده عنيفًا بقوله “مش هطلع الكارنيه ولا الرخصة” فأجابه الضابط قائلا “العربية مش هتتحرك متر واحد إلا لما أشوف الرخص، وبعد إذنك أقف على جنب علشان نمشى الطريق”.
بالفعل تحرك العضو قليلا بسيارته، وقام بإخراج هاتفه المحمول، فقال له الضابط بصوت عالٍ “أقسم بالله لو كان آخر يوم لي فى الداخلية النهارده، هشوف الرخص، ولو كان رئيس الوزراء نفسه على التليفون ماهكلمه، هو اللى يشتغل بضمير فى البلد دى يبقى عيب؟”.
، وبالفعل أظهر العضو هويته الشخصية، ورخصة القيادة، بعد إصرار الضابط على موقفه، وقام السائقون الذين حضروا الموقف، بتحية الضابط، فكان رده عليهم “عايزين البلد تتعدل، والواسطة تنتهى، واللى مش عاجبه يسيب مصر .

» «النور» يفصل «البلكيمي».. ويطالب «الكتاتني» بإسقاط عضويته بالبرلمان
» الداخلية تحرر طفلين في قنا
» الطيران الحربي و300 ضابط و8 آلاف جندي يشاركون في تطهير بحيرة «المنزلة»
» مدير إستاد بورسعيد يفجر مفاجأة ويقول
» طارق سويدان يهاجم موقف الإخوان من أبو الفتوح.. ويقول: المرشح الرئاسي مشهود له بالكفاءة